23:49
28.5.2014
Referendumdan sonra #Ukrayna-dakı separatçılar Rusiyanın tərkibinə daxil olmağa ümud edirdilər. Lakin Moskva tələsmir http://t.co/efsx7YmYcr
— AzadliqRadiosu (@RadioAzadliq) 28.5.2014
20:04
28.5.2014
DONETSKDƏ SEPARATÇILARA DƏSTƏK YÜRÜŞÜ
Mayın 28-də yüzlərlə adam Donetskin mərkəzində yürüş keçirib. Rusiyanın bayrağını qaldıran bu adamlar "Faşist keçə biməyəcək" deyərək yaraqlı separatçıların zəbt etdiyi Donetsk vilayət binasının qarşısına qədər gediblər. Rusiyameylli media yürüş iştirakçılarının yerli kömür mədənlərində işləyən şaxtaçılar olduğunu yazır. Ukraynanın bütövlüyü tərəfdarları yürüşə ümumiyyətlə separatçıların tərəfində olan bütün adamların toplaşdığını bildirir və qeyd edirlər ki, kömürçülərin heç də hamısı yaraqlıları dəstəkləmir.
18:48
28.5.2014
MÜHARİBƏYƏ ƏYLƏNCƏ KİMİ BAXANLAR
Belə videoların sayı sosial şəbəkələrdə durmadan artır. Müharibəyə əyləncə kimi baxan insanlar hesab edirlər ki, Rus xalqı uğrunda döyüşür, onları xilas edirlər. Atəş cavabı gələndə isə onu atanları faşist adlandırır, xilas üçün Putinə müraciıt edirlər. Görüntülərdə də Slavyanskda qərarlaşan separatçılar yenicə əldə etdikləri avtomatik qumbaratanları sınaqdan keçirirlər. Onlar bir-birilə zarafatlaşaraq ölüm saçan qumbaraları Ukrayna əsgərlərinə sarı göndərirlər. Videonun sonuncu saniyələrində AQS-17-dən atəş açan yaraqlı artıq tanış sifətdir, nitqi yerli sakinlərə məxsus Ukrayna ləhcəsindən azad olan bu şəxslə biz artıq Slavyanskda xaricilər girov götürüləndən tanışıq
18:04
28.5.2014
İnformasiya müharibəsi ilə silahlı toqquşmaların fərqi nədir? Sonucuda həmişə fasilələr olur. İnformasiya müharibəsində heç vaxt sakitlik yaranmır. Rusiya mediası "qurşaqdan aşağı zərbə" vurmaq imkanını heç vaxt əldən vermir. Məsələn, Ukrayna ordusunun guya dinc əhalini qırması haqda xəbərə Şimali qafqazda çəkilən kadrları əlavə etmək və ya preizdent seçkilərində ən az səs toplayan Ukrayna radikalı - Yaroshu seçkilərin qalibi elan etmək. Odessada faciə baş verəndə Facebookda yalançı həkimin Ukraynalıların vəhşiliyinə şahid çıxmaq və sair. Yuxarıdakı fotoda növbəti belə yalan ifşa olunur. Rusiyameylli fəallar Kanadadakı qatar qəzasının fotosunu "Slavyanskda Ukrayna ordusunun dinc şəhəri dağıtması" kimi təqdim edirlər.