İslam Konfransı Təşkilatının (İKT) hazırkı sədri Azərbaycanın təşəbbüsü ilə bu qurumun baş katibi Ekmaləddin İhsanoğlu Yaxın Şərqdə gərginliyin artmasıyla bağlı BMT-nin baş katibi Kofi Annana məktub göndərib. Bu barədə Xarici İşlər Nazirliyinin Mətbuat və İnformasiya Siyasəti İdarəsinin rəhbəri Tahir Tağızadə məlumat verib. Onun bildirdiyinə görə, məktubda BMT rəhbərliyindən İsrail və Livan arasında hərbi əməliyyatların dərhal dayandırılması və sülh danışıqlarının başlanması üçün səylərin artırılması xahiş olunur.