BU YÜKSƏKLİK MÜHARİBƏNİN TALEYİNİ HƏLL EDİRDİ
Donetsk vilayətinin ən yüksək nöqtəsi olan Saur-Maqila Ukrayna ordusunun nəzarətinə keçəndən sonra döyüşlərdə təşəbbüs də onların tərəfinə keçmişdi. Rusiyadan gələn hərbi karvanalrın qarşısı alınır, separatçılar onlarla yaşayış məntəqəsindən sıxışıdırılıb çıxarılırdı. Lakin 1 həftə əvvəl Rusiya sərhəddi istiqamətində hücuma keçən separatçılar yüksəkliyi geri alıblar. Ukrayna tərəfi bildirir ki, hücumlarda Rusiya desant qoşunlarının birləşmələri iştirak edir. Rusiyanın müdafiə naziri bu ittihamları rədd edir.
Rusiya xarici işlər naziri Sergei Lavrov deyir ki, Qərb onların Ukraynaya təcavüzünə dair heç bir sübut təqdim etməyib.
Separatçılar Mariupolu tutmaq istəyirlər. Bunu separatçıların lideri Tsaryov onların ərzağa ehtiyacları olması ilə izah edib.
Donetsk vilayətində separatçıların lideri Aleksandr Zakharchenko mühasirəyə düşmüş Ukrayna qoşunlarının döyüş meydanını tərk etməyinə razılıq verib. Amma bir şərtlə ki, onlar silahlarını təhvil versinlər. Bundan əvvəl Rusiya prezidenti Vladimir Putin separatçıları «humanitar dəhliz» yaratmağa çağırmışdı. (Reuters)
