Xədicənin məhkəməsi davam edəcək

Noyabr 25, 2015

AzadlıqRadiosu-nun əməkdaşı, araşdırmaçı jurnalist Xədicə İsmayıla qarşı məhkəmə prosesini dəqiqəbədəqiqə izləməklə yanaşı həm də jurnalistin həbsinə aparan hadisələri yada sala bilərsiz.

AzadlıqRadiosu-nun araşdırmaçı-jurnalisti, radionun Bakı bürosunun keçmiş rəhbəri Xədicə İsmayıl 2014-cü il dekabrın 5-də Tural Mustafayev adlı şəxsi intihar həddinə çatdırmaq ittihamı ilə həbs edilib.

Sonradan bu ittiham ləğv edilib amma jurnalistə qarşı AzadlıqRadiosu-nun Bakı bürosunun rəhbəri vəzifəsində çalışdığı müddətdə vəzifə səlahiyyətlərini aşma, vergidən yayınma kimi ittihamlar da irəli sürülüb.

X.İsmayıl bildirir ki, prezident İlham Əliyev və digər yüksəkvəzifəli məmurların qanunsuz biznes fəaliyyətini araşdırdığı üçün belə basqıyla üzləşib.

Ən yeni xəbərlər bloqun əvvəlində yerləşdirilir. Mətndən aşağıda göy rəngli «davamı» düyməsini basmaqla bloqu vərəqləmək, əvvəlki postlarla da tanış olmaq mümkündür.

11:16 18.8.2015

Davam edir...

Avqustun 18-də araşdırmaçı-jurnalist Xədicə İsmayılın məhkəməsi davam etməlidir. Bu, jurnalistin bu həftəyə təyin edilmiş ilk məhkəmə prosesidir.

AzadlıqRadiosunun əməkdaşı xəbər verir ki, Almaniya, Böyük Britaniya səfirliklərinin, Avropa İttifaqı nümayəndəliyinin əməkdaşları məhkəmə zalına buraxılıb. Norveç səfirliyinin əməkdaşı isə məhkəmə qarşısında gözləyir.

12:14 18.8.2015

«İttihamlara görə narahatdırlar»

AXCP sədrinin müavini Gözəl Bayramlı məhkəməni izləmək istəsə də, zala buraxılmayıb. O, AzadlıqRadiosuna deyib: «Bizə məhkəmə zalına daxil olmağa imkan vermirlər. Bu, sifarişdir, tanıyırlar, bilirlər. Tapşırıblar ki, ictimaiyyət nümayəndələrini məhkəməyə buraxmaq olmaz. İrəli sürdükləri ittihamlara görə narahatdırlar».

Prosesi müşahidə etməyə gələn Norveç səfirliyinin əməkdaşı da Bakı Ağır Cinayətlər Məhkəməsi qarşısında gözləyir.

Embed

"Qapını üzümüzə bağladılar"

No media source currently available

0:00 0:01:34 0:00

12:41 18.8.2015

Vəsatətlərə baxılır

Xədicə İsmayılın məhkəməsində vəsatətlərə baxılır.

Vəkillər ötən proseslərdə bir neçə vəsatət qaldırıblar. Ancaq onların, demək olar, hamısı təmin edilməyib.

13:38 18.8.2015

Xədicənin Turala sualları var

Xədicə İsmayılın məhkəməsində saat 15-dək fasilədir.

Jurnalistin anası Elmira İsmayılova AzadlıqRadiosuna bildirib ki, Xədicə İsmayıl ittiham tərəfinin zərərçəkən kimi təqdim etdiyi Tural Mustafayevin məhkəməyə dəvət olunmasını istəyib. Ona verdiyi ifadəylə bağlı bir neçə sualı olduğunu bildirib.

Xədicə İsmayıl anasıyla görüşə şərait yaradılması üçün hakimə müraciət edib. Jurnalist ötən məhkəmə iclaslarında da eyni tələblə çıxış etmişdi. O, məhkəmə fasiləsiz davam etdiyi üçün ailə üzvləri və vəkilləri ilə görüşə bilmədiyini demişdi.

Davamı